अन्तर्राष्ट्रिय

जापानी आकाशमा एक्कासि उत्तरकोरियाली क्षेप्यास्त्र देखा परेपछि….!

एजेन्सी । उत्तर कोरियाले मंगलवार बिहान परीक्षण गरेको एउटा बलेस्टिक क्षेप्यास्त्र पहिलो पटक जापानी आकाश भएर समुद्रमा खसेको छ। जापानको उत्तरी होकाइदो टापुको करिब तीन हजार  किलोमिटरसम्म उक्त क्षेप्यास्त्र पुगेको बताइएको छ।

उत्तर कोरियाली क्षेप्यास्त्र जापानी आकाशमा पुगेपछि त्यहाँ सजग गराउने साइरन बजेको थियो र मानिसहरुलाई भुईँतला वा पक्की घरमा लुक्न आग्रह गरिएको थियो।

जापानी प्रधानमन्त्री शिन्जो आबेले उत्तर कोरियाद्वारा गरिएको पछिल्लो क्षेप्यास्त्र परीक्षण अभूतपूर्व, गम्भीर र देशका लागि खतराु भएको प्रतिक्रिया दिएका छन्।  उनले नागरिको सुरक्षाका लागि सरकारले भरमग्दुर प्रयास गरिरहेको बताए।

एकजना उच्च जापानी अधिकारीले उत्तर कोरियाली परीक्षणको जवाफस्वरुप जापानले उपयुक्त कदमु चाल्ने बताएका छन्।