खेलकुद

बिदाई भए भेट्रान एथलेटिक्स खेलाडी

काठमाण्डौ । मित्रराष्ट्र दक्षिण कोरियाको देगु सहरमा आयोजना हुने बिश्व मास्टर्स इन्डोर एथलेटिक्स च्याम्पियनसिप २०१७ मा सहभागी हुन जाने भेट्रान एथलेटिक्स टोलीलाई विदाई गरिएको छ ।

बुधबार एक कार्यक्रमबीच राष्ट्रिय खेलकुद परिषदका सदस्यसचिव केशव कुमार बिष्टले अन्तराष्ट्रिय खेल परिसर, सातदोवाटोमा बिदाई गरेका हुन् ।

भैरव शाहीको नेतृत्वमा कोरियातर्फ जाने टोलीमा यज्ञलाल श्रेष्ठ (६० मि. हर्डल्स), बिश्व रत्न मानन्धर (३ हजार मि. रेस वाक), मनिष जोशी (६० मि.), रामकृष्ण आले मगर (ज्याभ्लिन), शिवहरी खनाल (८ कि.मि. क्रसकन्ट्रि), कृष्ण कुमार श्रेष्ठ (सटपुट), कुमार बाबु श्रेष्ठ र सोम कुमारी जोशी (६० मि.), नरेन्द्र मान श्रेष्ठ (२०० मि.), भिमसेन अवाले ( हाफ म्यारथन र ८ कि.मि. क्रसकन्ट्रि), रमेश महर्जन (८ कि.मि. क्रसकन्ट्रि र २०० मि.), निरोज महर्जन (हाफ म्याराथन), मदन महर्जन (८ कि.मि.क्रसकन्ट्रि), विकास श्रेष्ठ (सटपुट) र सुरज ब्यञ्जनकार पत्रकार रहेका छन् ।

चैत्र ६ देखि १२ गते सम्म आयोजना हुने च्याम्पियनसिपमा पहिलो पटक ७४ बर्षका खेलाडी यज्ञलाल श्रेष्ठले ६० मि. हर्डल्समा प्रतिस्पर्धा गर्न लागेको नेपाल भेट्रान एथलेटिक्स कमिटीले जनाएको छ ।

बिदाई कार्यक्रममा कमिटीका उपाध्यक्ष रुपालशमसेर राणा, सविच शशी सुवेदी लगायत पदाधीकारीको सहभागिता रहेको थियो ।