एजेन्सी । रसियाली राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्पबीच शनिबार भएको फोनवार्तापछि दुवै देशका अधिकारीलाई प्रत्यक्ष भेटको बन्दोबस्त गर्न निर्देशन भएको क्रेमलिनले जनाएको छ ।
शनिबार दुई नेताबीच लामो छलफल भएको बताउदै फोनवार्ता सौहाद्र र रचनात्मक रहेको पुटिनका प्रवक्ता दिमित्री पेस्कोभले बताए ।
पेस्कोभका अनुसार फोनवार्तामा क्रेमलिन र ह्वाइट हाउसका कर्मचारीलाई प्रत्यक्ष वार्ताका लागि व्यवस्था मिलाउन निर्देशन गर्ने सहमति भएको थियो । दुई नेताबीच प्रत्यक्ष भेट भएपछि व्यवहारिक सम्झौता गर्न सकिने क्रेमलिनको भनाई छ ।
यसअघि रसियाली विनेशमन्त्रीले मस्कोमा एक कार्यक्रममा बोल्नुहुँदै अमेरिका र रसियाको चासो आतङ्कवादविरद्धको लडाइँलगायत कयौं क्षेत्रमा आवश्यक देखिएको दुई देशका राष्ट्रपतिको फोनवार्ताका क्रममा महसुस गरिएको जनाएका थिए ।
