आर्थिक

माथिल्लो कर्णाली लगायतका ठूला परियोजनाको यो हविगत

काठमाण्डौ । माथिल्लो कर्णाली जलविद्युत आयोजनाको वित्तीय व्यवस्थापनको म्याद सकिएको एक साता बितिसकेको छ । प्रवर्द्धक जीएमआरले एक वर्ष म्याद थप्नका लागि निवेदन दिए पनि लगानी बोर्डको बैठक बस्न नसक्दा निर्णय हुन सकेको छैन ।

आउँदो मंसिर १० मा वित्तीय व्यवस्थापनको समयसीमा पाएको अरुण तेस्रोको प्रवद्धक एसजेभीएनले पनि एक वर्ष म्याद थपका लागि निवेदन दिएको छ । बोर्डले भने निर्णय दिन सकेको छैन ।

प्रधानमन्त्री अध्यक्ष रहने लगानी बोर्डको बैठक भन्दै महिनादेखि बस्ने सकेको छैन । तत्काल निर्णय गर्नुपर्ने माथिल्लो कर्णाली र अरुण तेस्रो लगायतका ठूला परियोजना अलपत्र अवस्थामा पुगेका छन् भन्दै शुक्रबारको कारोबार दैनिकमा समाचार प्रकाशित छ ।